Pellegrino Artale - Laboratorio della memoria Montevago

 Laboratorio della memoria
Vai ai contenuti

Menu principale:

Pellegrino Artale

Tradizioni > Poesie
 

Ninu Vracazza (Fabbro ferraio)


Ninu Vracazza si sunnàu la guerra
chi li Francisi sbarcaru a la Urra,
pigghiau na bbumma chi ci parsi sferra,  
la misi ‘nterra e ‘ntallariu sfurra,
la misi  'npunta,   'ncapu lu scaluni,
cridennu chi la bumma scoppiannu  
fussi  la stessa di un so'  pirituni.
La porta cci la fici pezza pezza
e a lu municipiu 'na ciaccazza,
di l’elettricu du fila spezza
e tutti  l'autri ddà mezzu la chiazza.
Nun fu di ‘mmernu ma fu d’astaciuni,  
chi ‘nta la chiazza c’era  un sulu cani,
di nomu si chiamava Scamazzuni;  
picchì s’era di ‘mmernu,
quannu li viddani stannu a  munzidduni,
'nn’ammazzava almenu la metà,  
Ninu Vracazza cu lu so cannuni.   
Vinni lu Marasciallu cu la forza,
vinniru pi purtarisi a Vracazza,
iddu pinsannu si lu purtavanu 'ncarrozza,  
‘mmeci si lu purtaru pi li vrazza.   
Arrivatu a la caserma rifirìu,  
chi  ‘mmezzu lu carvuni chi comprau,  
c’era ‘na bumma e la disconuscìu.
Vulìa farinni sferri e ci sparàu.
Ora nun si chiama cchiù Ninu Vracazza,
picchì lu 'numinaru Petru Micca,
chi cu la botta si scantau 'na ciocca,
pi  casanti aviri sintimentu picca.

                                                                nei ricordi di Nino Barrile ( il Professore) - la poesia è di Pellegrino Artale

 
 
Torna ai contenuti | Torna al menu